Manguyang Elementary School Outreach – Sa Tulong ni Ginoong Elmar Regencia (School Principal)

Ang Manguyang Elementary School ay isang pampublikong paaralan na pinapasukan ng mga karaniwang mag-aaral, kabilang na ang ilang mga batang mula sa katutubong tribong Tadyawan ng mga Mangyan. Sa kabutihang-loob ng BIBO & SHUN FOUNDATION INC., at sa tulong ni Sis Joy Balauta at ng Filipino Community ng Nisio Catholic Church, Kariya Catholic Church, at Anjo Catholic Church sa Aichi Prefecture, Japan – isang balikbayan box na naglalaman ng mga bagong at gamit na sapatos, laruan, school supplies, damit, at iba pang gamit ang matagumpay na naipamahagi sa mga magulang at mag-aaral ng paaralan. Lubos ang aming pasasalamat sa Murakami Cargo at sa iba pang mga sponsor sa kanilang libreng pagpapadala ng mga donasyon. Maraming-maraming salamat po sa lahat ng tumulong at patuloy na sumusuporta sa mga adbokasiya ng aming foundation para sa ating mga kababayang katutubo sa mga liblib na lugar.