Outreach Program – Kawit Elementary School, Sitio Gitna, Gloria, Oriental Mindoro
With the help of Ms. Sherelyn Marayan Esoli – Teacher, Kawit Elementary School

Ang Kawit Elementary School ay matatagpuan sa Sitio Gitna, Barangay Kawit, Gloria, Oriental Mindoro – isang maliit na barangay sa silangang bahagi ng Mindoro na napapagitnaan ng nautical highway at dagat. Payak ang pamumuhay ng mga residente rito, kung saan ang ilan ay nabubuhay sa pamamagitan ng pangingisda, pagsasaka, at iba pang gawaing pang-agrikultura. Ang paaralan ay nakatayo sa lupaing may sukat na 1,000 sqm lamang. Dahil dito, noong taong 2022, ang BIBO & SHUN FOUNDATION INC. ay nagkaloob ng karagdagang 1,000 sqm upang makatulong sa pagpapalawak ng pasilidad ng paaralan. Nakakalungkot lamang na hanggang ngayon ay hindi pa nalilipat sa pangalan ng paaralan ang karagdagang lupa dahil sa kakulangan sa pondong panglipat-ari. Sana ay may mabubuting pusong handang tumulong upang maisakatuparan ang legal na paglilipat nito. Sa kabutihang-loob ng BIBO & SHUN FOUNDATION INC., at sa tulong ni Sis Joy Balauta, kasama ang Filipino Community ng Nisio Catholic Church, Kariya Catholic Church, at Anjo Catholic Church sa Aichi Prefecture, at ng ilang resedente ng filipino community sa Hamamatsu , Dimple Lobitos at ang kanyang pamilya, Janet Felipe, isang balikbayan box na naglalaman ng mga bagong at gamit na sapatos, laruan, school supplies, damit, at iba pang kagamitang pang-eskwela ang matagumpay na naipadala at naipamahagi sa mga magulang at mag-aaral ng paaralan. Lubos din po ang aming pasasalamat sa Murakami Cargo para sa libreng shipment ng mga donasyon mula Japan. Maraming-maraming salamat po sa lahat ng tumulong at patuloy na sumusuporta sa mga adbokasiya at layunin ng BIBO & SHUN FOUNDATION INC. para sa mga pamayanang nangangailangan.